Dr. Nith Beauty Center ບໍ່ໄດ້ເລີ່ມຕົ້ນຈາກການເປັນພຽງທຸລະກິດ, ແຕ່ເກີດຈາກ “ແຮງບັນດານໃຈ ແລະ ຄວາມຮັກ” ໃນສິລະປະແຫ່ງຄວາມງາມ ບວກກັບຄວາມຮູ້ດ້ານການແພດຂອງ ດຣ. ນິດ. ຕະຫຼອດໄລຍະເວລາທີ່ຜ່ານມາ, ດຣ. ນິດ ໄດ້ເຫັນເຖິງຄວາມຕ້ອງການຂອງຄົນລາວທີ່ຢາກໄດ້ຮັບການດູແລຄວາມງາມທີ່ປອດໄພ, ມີມາດຕະຖານ ແລະ ສາມາດໃຫ້ຄຳປຶກສາໄດ້ຢ່າງຈິງໃຈ. 

           ດ້ວຍຄວາມຕັ້ງໃຈທີ່ຢາກຈະ “ຍົກລະດັບມາດຕະຖານວົງການຄວາມງາມ” ໃນປະເທດລາວ ແລະ ສ້າງສະຖານທີ່ທີ່ທຸກຄົນສາມາດເຂົ້າມາປຶກສາບັນຫາຄວາມງາມຂອງຕົນເອງໄດ້ຢ່າງສະບາຍໃຈ, ດຣ. ນິດ ຈຶ່ງໄດ້ກໍ່ຕັ້ງສູນຄວາມງາມແຫ່ງນີ້ຂຶ້ນມາໃນປີ 2020 ເພື່ອເປັນສະຖານທີ່ທີ່ທຸກຄົນສາມາດເຂົ້າມາ “ດູແລຕົວເອງໃນເວີຊັນທີ່ດີທີ່ສຸດ” ໄດ້ຢ່າງໝັ້ນໃຈ ແລະ ປອດໄພ.

ປັດຊະຍາໃນການເຮັດວຽກ (Our Philosophy)

       ພວກເຮົາເຊື່ອວ່າຄວາມງາມທີ່ແທ້ຈິງຄືຄວາມງາມທີ່ມາພ້ອມກັບຄວາມໝັ້ນໃຈ. ດັ່ງນັ້ນ, ປັດຊະຍາໃນການເຮັດວຽກຂອງພວກເຮົາຈຶ່ງຕັ້ງຢູ່ເທິງຫຼັກການ 4 ຂໍ້ຄື:

1. “ຄວາມງາມທີ່ປອດໄພຄືຫົວໃຈສຳຄັນ” (Safety is our Priority): ທຸກເຄື່ອງມື, ຜະລິດຕະພັນ ແລະ ຫັດຖະການທີ່ພວກເຮົາເລືອກໃຊ້ ຕ້ອງຜ່ານການຮັບຮອງມາດຕະຖານສາກົນ. ພວກເຮົາໃຫ້ຄຳໝັ້ນສັນຍາວ່າຈະໃຊ້ຜະລິດຕະພັນຂອງແທ້ທີ່ກວດສອບໄດ້ ແລະ ດຳເນີນການໂດຍແພດຜູ້ຊ່ຽວຊານເທົ່ານັ້ນ.
2. “ຜົນລັບທີ່ເປັນທຳມະຊາດ” (Natural & Unique Results): ພວກເຮົາບໍ່ເຊື່ອໃນຄວາມງາມແບບພິມນິຍົມ. ພວກເຮົາມຸ່ງເນັ້ນການວິເຄາະ ແລະ ອອກແບບການຮັກສາສະເພາະບຸກຄົນ ເພື່ອດຶງເອົາຄວາມງາມທີ່ເປັນເອກະລັກຂອງທ່ານອອກມາໃຫ້ໂດດເດັ່ນທີ່ສຸດ ພາຍໃຕ້ຄວາມເປັນທຳມະຊາດ.
3. “ການບໍລິການດ້ວຍຄວາມຈິງໃຈ” (Honesty & Sincerity): ພວກເຮົາໃຫ້ຄຳປຶກສາທີ່ຕົງໄປຕົງມາ ແລະ ຊື່ສັດກັບລູກຄ້າ. ບັນຫາໃດຄວນແກ້, ບັນຫາໃດບໍ່ຈຳເປັນຕ້ອງເຮັດ ພວກເຮົາຈະແນະນຳຕາມຄວາມເໝາະສົມ ເພື່ອໃຫ້ລູກຄ້າໄດ້ຮັບສິ່ງທີ່ດີທີ່ສຸດ ແລະ ຄຸ້ມຄ່າທີ່ສຸດ.
4. “ເທັກໂນໂລຢີທີ່ທັນສະໄໝ” (Advanced Technology): ໂລກແຫ່ງຄວາມງາມບໍ່ເຄີຍຢຸດນິ້ງ. ພວກເຮົາຈຶ່ງພັດທະນາຕົນເອງຢູ່ສະເໝີ ໂດຍການຄັດສັນນະວັດຕະກຳ ແລະ ເທັກໂນໂລຢີໃໝ່ໆ ຈາກທົ່ວໂລກເຂົ້າມາໃຫ້ບໍລິການ ເພື່ອໃຫ້ລູກຄ້າໄດ້ຮັບຜົນລັບທີ່ດີກວ່າ ແລະ ປອດໄພກວ່າ.

ວິໄສທັດ (Our Vision)